I kërcënuar me dëbim, gjenerali amerikan përpiqet të akuzojë Iranin

Një komandant i lartë amerikan ngriti një mori akuzash të pabaza ndaj Iranit për të shmangur vëmendjen që ishte përqendruar te ai pas ekspozimit të përpjekjeve të tij për të orientuar politikën e Uashingtonit drejt rigjallërimit të terroristëve takfiristë në Irak, sipas raporteve të mediave.

Kohët e fundit, gjenerali amerikan Kenneth F. McKenzie, komandant i Komandës Qendrore të SHBA (CENTCOM), akuzoi Iranin se ishte pas sulmeve kundër objekteve të naftës së Arabisë Saudite vitin e kaluar dhe ndaj forcave amerikane të vendosura në Irak. Ai gjithashtu pretendoi se Republika Islamike kishte dërguar pajisje të përparuara ushtarake për lëvizjen Ansarullah të Jemenit dhe po siguron mbështetje financiare për qeverinë e Presidentit sirian Bashar al-Asad. Kohët e fundit, megjithatë, disa raporte të mediave thanë se burime të informuara kanë zbuluar arsyet e këtyre akuzave, përmes të cilave ai vetëm po përpiqej të devijonte vëmendjen nga zbulimi i përpjekjeve destabilizuese të Uashingtonit. Sipas raporteve, McKenzie kohët e fundit u takua me Ambasadorin Amerikan në Bagdad, Matthew Toler. Burimet zbuluan se dyshja po diskutonte për planet e Uashingtonit për të ndihmuar një bashkim midis mbetjeve të grupeve terroriste ISIS dhe al-Kaedës në Irak, duke ndihmuar në zgjidhjen e ndryshimeve të vogla mes tyre dhe të riorganizonin këto grupe në aspektin financiar dhe në burimet logjistike. Një bashkëpunim i tillë do të destabilizonte Irakun, duke justifikuar dukshëm praninë e forcave të SHBA në Irak. Burimet thanë që McKenzie lëshoi pretendimet kundër Iranit për të larguar vëmendjen nga zbulimi i përmbajtjes së takimit të tij me Toler, pasi u mor në pyetje nga Shtëpia e Bardhë për rrjedhje të informacionit dhe u kërcënua me dëbim.