Trump në një situatë të rëndë para zgjedhjeve
Në kujtimet e tij, Michael Cohen, një ish-avokat i Presidentit të SHBA Donald Trump, akuzon ish-klientin për sjellje të pazakontë, akuza që mund të shtojnë telashet e Trump përpara zgjedhjeve të vitit 2020. Shtëpia e Bardhë thotë se Cohen po gënjen.
“Cohen është një avokat i turpëruar dhe avokat i pabindur, i cili gënjeu Kongresin,” tha sekretari i shtypit Kayleigh McEnany në një deklaratë gjatë fundjavës. “Ai ka humbur të gjithë besueshmërinë dhe nuk është për t’u habitur të shohësh përpjekjen e tij të fundit për të përfituar nga gënjeshtrat.” Donald Trump sillet si mafioz dhe ka “një mendim të ulët për të gjithë njerëzit me ngjyrë”, sipas ish-avokatit të presidentit amerikan Michael Cohen. Akuzat vijnë nga libri i ri i Cohen i titulluar “Disloyal: A Memoir”, një kujtim i shkruar gjatë periudhës të qëndrimit në burg për shkelje të ligjit të financimit të fushatës Trump dhe krime të tjera. Cohen pretendon se Trump gjithashtu bëri komente raciste në lidhje me Nelson Mandela dhe Hispanikët. Në libër, Cohen pretendon se Trump është “fajtor për të njëjtat krime” që e futën atë në burg dhe e quan ish-shefin e tij “një mashtrues, një gënjeshtar, një ngacmues, një racist, një grabitqar ” . Ai thotë se Trump kishte mentalitetin e një “shefi mafie”. “Donald Trump do të bëjë gjithçka për të siguruar fitoren dhe unë besoj se kjo përfshin edhe manipulimin e fletëve të votimit. Ai mund të shkojë aq larg sa të fillonte një luftë në mënyrë që të parandalonte largimin e tij nga detyra. Frika ime më e madhe është se nuk do të ketë një tranzicion paqësor të pushtetit në vitin 2020″. Media të ndryshme amerikane kanë botuar citime nga libri, i cili del të martën. Mbi njerëzit me ngjyrë dhe Mandelën- “Trump kishte mendime të ulëta për të gjithë njerëzit e zinj, nga muzika te kultura dhe politika,” shkruan Cohen në librin e tij. Ai pretendon se Donald Trump ishte shprehur për presidentin e ndjerë të Afrikës së Jugut dhe aktivistin anti-aparteid Nelson Mandela se ai nuk ishte udhëheqës. “Më tregoni një vend të drejtuar nga një person i zi që nuk është një “shithole”. Të gjitha janë tualete të plota” kishte thënë një herë Trump sipas Cohen. Fjalët i bëjnë jehonë akuzave të ngjashme në 2018, ku Trump u referohej vendeve Afrikane si kombe “shithole” . Mbi Obamën-Në libër, Cohen pretendon seTrump ka “urrejtje dhe përbuzje” për paraardhësin e tij, Barack Obama. Mbi votuesit hispanikë- Sipas Cohen, Trump tha një herë: “Unë kurrë nuk do të marr votën hispanike. Ashtu si zezakët, ata janë shumë budallenj për të votuar për mua. Ata nuk janë populli im.” Mbi ungjillorët- Cohen thotë se pasi Trump u takua me udhëheqësit ungjillorë në Trump Toëer pak pasi fitoi zgjedhjet, ai u kthye dhe tha: “A mund të besoni se njerëzit e besojnë atë?” Nënkryetari i tij, Mike Pence, është një ungjillor i devotshëm. Mbi Putinin- Donald Trump admironte Presidentin rus Vladimir Putin sepse ai ishte në gjendje “të merrte përsipër një komb të tërë dhe ta drejtonte atë si të ishte kompania e tij personale – si Organizata Trump, në fakt”, shkruan Cohen. Edhe para se të hynte në Shtëpinë e Bardhë, Trump kishte dalë në krye të titujve të mediave duke propozuar një teori të rreme se Obama ishte "jo-amerikan".
