KB: Sanksionet kanë zvogëluar furnizimet dhe pajisjet mjekësore

Duke iu referuar ndikimit negativ të sanksioneve të njëanshme në aftësinë e vendeve për të luftuar korona virusin, Raportuesi Special i KB deklaroi se sanksionet kanë çuar në reduktimin e burimeve mjekësore dhe pajisjeve.

"Kompanitë dhe bankat në të gjithë botën, nuk pranojnë të merren me vendet nën sanksione dhe kanë frikë nga ndikimi dytësor i këtyre masave. Përfaqësuesi i Republikës Islamike të Iranit në Komitetin e Tretë të Asamblesë së Përgjithshme të KB gjithashtu shprehu keqardhje për shpërfilljen e SHBA për pozicionin e KB gjatë shpërthimit të virusit Korona dhe i bëri thirrje bashkësisë ndërkombëtare të bashkohet kundër murtajës së njëanshmërisë të Uashingtonit. "Efektet ekstraterritoriale të veprimit të njëanshëm të imponimit nga Shtetet e Bashkuara kundër shumë vendeve ndikojnë në sovranitetin e vendeve të tjera, interesat legjitime të institucioneve ose personave nën juridiksionin e tyre dhe lirinë e tregtisë dhe biznesit dhe pengojnë realizimin e së drejtës për zhvillim," tha Zareian.  Sanksionet njëanshme dhe shtypëse të Uashingtonit, të cilat përfshijnë artikuj bazë dhe madje ilaçe dhe pajisjet mjekësore, kanë krijuar shumë probleme për njerëzit e vendeve të sanksionuara nga SH.B.A., veçanërisht pacientët e virusit korona.