Azerbajxhani e akuzon Armeninë për “provokim”
Azerbajxhani ka protestuar ndaj një vizite të ministrit të Jashtëm të Armenisë në rajonin e Nagorno Karabakut, duke e quajtur atë një provokim dhe “një përpjekje për të nxitur tension".
Ministri armen, Ara Aivazian, vizitoi rajonin më 5 janar, ku u takua me ministrin e Jashtëm de facto të qeverisë separatiste, David Babayan dhe nënshkroi një dokument për një program konsultimesh. Leyla Abullajeva, një zëdhënëse e ministrisë së Jashtme të Azerbajxhanit, tha në një deklaratë se vizita “ilegale” e Aivazian në Nagorno Karabak bie në “kundërshtim” me një marrëveshje armëpushimi të nënshkruar nga Azerbajxhani, Armenia dhe Rusia që i dha fund një lufte 44-ditore midis Bakus dhe Jerevanit mbi rajoni i shkëputur. “Shkelja e detyrimeve nga Jerevani zyrtar është një provokim dhe veprime të tilla nuk kontribuojnë në normalizimin e situatës në rajon”, tha Abullajeva, duke shtuar se Jerevani duhet të pranojë ndryshimet që kanë ndodhur në rajon.
