Antifriza në vend të alkoolit dërgoi 11 ushtarë amerikanë në spital

Njëmbëdhjetë ushtarakë amerikanë u dërguan në një spital në Fort Bliss të Texasit, për keqpërdorim të antifrizit dhe dy prej tyre u dërguan në njësinë e kujdesit intensiv.

Ushtria amerikane thotë se 11 trupa amerikane u dërguan në një spital në Fort Bliss të Texasit, të Premten për përdorim të pahijshëm të antifrizit dhe dy prej tyre janë në gjendje kritike dhe janë shtruar në njësinë e kujdesit intensiv.  Ushtria amerikane, e cila shkoi në Fort Bliss, Texas, për një ushtrim fushor 10-ditor, konsumoi një lëng që mendonte se ishte alkool, por më vonë u zbulua se ishte "antifriz", njoftoi rrjeti rus Rusia Today.  "I gjithë personeli i dëmtuar ende po trajtohet në Qendrën Mjekësore të Ushtrisë Ëilliam Bimont," tha Ali Payne, një zëdhënës i Fort Bliss. "Dy ushtarë janë të sëmurë rëndë dhe janë transferuar në njësinë e kujdesit intensiv (ICU) dhe nëntë të tjerët janë nën kujdes dhe mbikëqyrje të afërt laboratorike."  Sipas raportit, rezultatet paraprake të toksikologjisë tregojnë se trupat amerikane janë helmuar me etilen glikol.  Sipas Payne, sipas rregullave dhe parimeve ushtarake, ushtria amerikane nuk lejohet të përdorë alkool në mjedisin e stërvitjes në terren dhe antifrizi i përdorur nga ushtria amerikane "u sigurua jashtë kanaleve të autorizuara të shpërndarjes së ushqimit".  Sipas raportit, pirja e etilen glikolit mund të çojë në dëmtime të menjëhershme të veshkave dhe madje në rastin e përdorimit të tepërt, ajo mund të shkaktojë shkatërrimin e veshkave dhe nuk është ende e qartë se sa antifriza ka përdorur ushtria amerikane.  Zyrtarët lokalë ushtarakë amerikanë, po hetojnë rrethanat e sakta të incidentit, por Payne tha se nuk kishte asnjë shenjë të një "kërcënimi për komunitetin e madh të Fort Bliss".