Ministri i Jashtëm Irlandez viziton Iranin

Ministri i Jashtëm Irlandez Simon Cavani të Dielën është planifikuar të takohet me presidentin iranian Hassan Ruhani në Teheran për të diskutuar rolin e vendit të tij si ndihmës i Këshillit të Sigurimit të KB në zbatimin e marrëveshjes bërthamore.

Sipas agjencisë IRNA, gazeta Irish Times të Shtunën shkroi: "Kjo vizitë do të zhvillohet disa ditë pas njoftimit të qeverisë Irlandeze për të rihapur ambasadën në Teheran dhe Cavani do të takohet me presidentin Ruhani dhe Ministrin e Jashtëm iranian Muhamed Javad Zarif për të diskutuar çështjet e Azisë Perëndimore.  Ministri i Jashtëm Irlandez në një deklaratë të Premten në mbrëmje tha: Irlanda është një mbështetëse e fortë e marrëveshjes bërthamore;  Irlanda është e etur të ketë një dialog të ngushtë me të gjithë aktorët.  Ministria e Jashtme irlandeze njoftoi të martën e kaluar se vendi do të rifillojë misionin e tij diplomatik në Iran në nivelin e stafit dhe se ambasada e Dublinit në Teheran do të rihapet në vitin 2023.  Irlanda mbylli ambasadën e saj në Teheran në vitin 2012 për shkak të ndikimit të krizës financiare dhe asaj që u tha se ishte një kursim në shpenzimet qeveritare.