Uashingtoni: Kthimin në bisedimet e Vjenës ua lëmë iranianëve

Një zëdhënës i Departamentit të Shtetit tha se vetë iranianët duhet të flasin për kthimin në bisedimet e Vjenës, duke shtuar se të gjitha sanksionet kundër Iranit ishin në fuqi.

"Unë e di se qeveria e re në Teheran është ende në proces të formimit," tha zëdhënësi i Departamentit të Shtetit Ned Price në një konferencë shtypi të hënën në mbrëmje, sipas Agjencisë së Lajmeve Fars.  Ata duhet të marrin vendime rreth orientimit drejt bashkësisë ndërkombëtare dhe diplomacisë brenda kuadrit të Vjenës. I pyetur nëse qeveria e re iraniane e kishte informuar Perëndimin për vendimin e saj për t'u kthyer në bisedimet e Vjenës, ai tha: "Unë e lë në dorë të vetë iranianëve të flasin". Bisedimet e Vjenës mbi marrëveshjen bërthamore filluan në mars 2021 me qëllim që të kthejnë Shtetet e Bashkuara në marrëveshjen bërthamore dhe të bindin Iranin të pezullojë përpjekjet e tij për të zvogëluar angazhimet e veta në marrëveshje. Republika Islamike e Iranit ka deklaruar se për shkak të tërheqjes së Shteteve të Bashkuara nga marrëveshja bërthamore, nuk do të mbajë bisedime me përfaqësuesit e atij vendi. Amerikanët do të informohen për pozicionin e Iranit përmes palëve të tjera në bisedime. Raundi i gjashtë i bisedimeve filloi më 12 qershor dhe zgjati deri më 20 qershor.