Shtetet e Bashkuara janë përgjegjëse për situatën në marrëveshjen bërthamore

Ndërsa raundi i ri i bisedimeve të Vjenës për heqjen e sanksioneve të paligjshme amerikane kundër Iranit është caktuar për në 29 nëntor, Shtetet e Bashkuara jo vetëm që nuk kanë ndërmarrë veprime konkrete për të treguar vullnetin e tyre të mirë, por po kërkojnë të projektojnë deklarata dhe sanksione të reja kundër Republikës Islamike të Iranit.

Robert Mali, i dërguari special i SHBA-së për Iranin dhe përfaqësues të tre vendeve evropiane (Gjermania, Britania dhe Franca) dhe përfaqësues të Këshillit të Bashkëpunimit të Gjirit Persik në një takim në Riad, përsëriti akuzat e pabaza të Iranit për "aktivitete destabilizuese në rajon". Zëdhënësi i Ministrisë së Jashtme iraniane Saeed Khatibzadeh të premten në Twitter, duke fajësuar qeverinë amerikane për shkeljen e Rezolutës 2231 të Këshillit të Sigurimit të OKB-së dhe për tërheqjen nga marrëveshja bërthamore, në përgjigje të deklaratës shkroi: Irani ka vuajtur shumë nga kjo sjellje e papërgjegjshme e Shteteve të Bashkuara dhe shkeljes së marrëveshjes bërthamore. Ali Bagheri, zëvendësministri i Jashtëm i Iranit, gjithashtu e theksoi këtë pikë gjatë vizitës së tij të fundit në katër vende evropiane (Francë, Gjermani, Britani dhe Spanjë), si dhe në bisedimet me zëvendësministrat e jashtëm të Rusisë dhe Kinës përkatësisht Sergei Ryabkov dhe Ma Zhaosu, ku theksoi nevojën për heqjen efektive të sanksioneve të paligjshme amerikane kundër Iranit si një domosdoshmëri për negociatat e ardhshme. Shtetet e Bashkuara, së bashku me Trojkën evropiane, edhe pse në dukje theksojnë nevojën për të negociuar ringjalljen e marrëveshjes bërthamore, natyra e veprimeve të tyre tregon se ata kanë hartuar një skenar koordinimi për të intensifikuar presionin ndaj Iranit duke përdorur Agjencinë Ndërkombëtare të Energjisë Atomike. Nxjerrja e pretendimeve dhe përsëritja e kërkesave përtej masave mbrojtëse dhe përpjekja për të imponuar kërkesa ekstravagante dhe të padrejta ka krijuar një situatë ku IAEA dhe anëtarët e saj perëndimorë të cilët nuk po përmbushin detyrimet dhe zotimet e tyre, synojnë përdorim instrumental të IAEA për qëllime politike. Është e qartë se me krijimin e polemikave ndërkombëtare dhe paqartësive imagjinare në bashkëpunimin mes Iranit dhe IAEA, nuk është e mundur të mbulohet mosbesimi i krijuar ndaj Shteteve të Bashkuara pas shkeljes së marrëveshjes bërthamore dhe të ndiqet rruga e marrëveshjes në mënyrë të njëanshme. Vazhdimi i kësaj sjelljeje sigurisht që nuk do të ndihmojë në rikthimin e besimit të humbur. Është joracionale që Irani të përmbushë detyrimet e tij në mënyrë të njëanshme në marrëveshjen bërthamore, ndërsa pala tjetër të mos i përmbushë detyrimet e saj. Përsëritja e pretendimeve të pabaza dhe e kërkesave jashtëligjore të Shteteve të Bashkuara dhe Evropës ndaj Iranit, konfirmon bindjen se po ndiqet një politikë e koordinuar për të ndikuar në atmosferën e bisedimeve të Vjenës.  Kritika e zëdhënësit të Ministrisë së Jashtme iraniane për standardet e dyfishta të SHBA-së i referohet pikërisht kësaj pike. Khatibzadeh tha se vendet që duhet të mbajnë përgjegjësi për aventurat dhe agresionet e tyre në rajon, përfshirë pushtimin shtatëvjeçar të Jemenit, nuk mund të bëjnë akuza të pabaza kundër të tjerëve dhe të shkarkojnë veten nga përgjegjësia për këto krime dhe të largojnë vëmendjen e publikut. Shtetet e Bashkuara, si i vetmi vend me një histori të përdorimit të armëve bërthamore, me një histori të zezë ndërhyrjesh të shumta në punët e brendshme të vendeve të ndryshme dhe shitësi kryesor i armëve dhe municioneve në pjesë të ndryshme të botës, po përpiqet të krijojë kriza dhe polemika kundër Iranit. Pa dyshim, një sjellje e tillë jo vetëm që nuk do të ketë efekt në synimin e Iranit për të mbrojtur interesat dhe të drejtat e tij legjitime, por gjithashtu do të rrisë ndërlikimin e situatës aktuale.