Putin urdhëron sanksione ndaj vendeve jomiqësore

Presidenti i Rusisë, Vladimir Putin, nënshkroi një dekret për sanksione ekonomike hakmarrëse kundër vendeve jomiqësore.

Dekreti vjen në përgjigje të “veprimeve jomiqësore të disa shteteve të huaja dhe organizatave ndërkombëtare”, tha Kremlini të martën. Dokumenti nuk jep asnjë detaj se cilët individë ose subjekte mund të preken nga masat. Sipas dekretit, Rusia do të ndalojë eksportin e produkteve dhe lëndëve të para për njerëzit dhe subjektet që sanksionon. Dekreti gjithashtu ndalon transaksionet me individë dhe kompani të huaja të sanksionuara dhe u lejon palëve ruse të mos i përmbushin detyrimet ndaj tyre. Putin udhëzoi qeverinë ruse që brenda 10 ditëve të përgatisë një listë të personave juridikë që i nënshtrohen sanksioneve hakmarrëse. Dekreti nënkupton se Rusia do të ndalojë eksportin e produkteve dhe lëndëve të para për individët dhe subjektet e sanksionuara. Dekreti gjithashtu lejon institucionet ruse të mos përmbushin detyrimet e tyre kontraktuale ndaj individëve dhe kompanive që i nënshtrohen sanksioneve. Në ditën e 69-të të pushtimit rus të Ukrainës, shefi i politikës së jashtme të BE-së, Joseph Borrell tha të martën se ishte duke u përgatitur një paketë e gjashtë sanksionesh kundër Rusisë. Komisioni Evropian pritet të shpallë sot një paketë të re sanksionesh, duke përfshirë heqjen graduale të importeve të naftës nga Rusia, që përbën 30% të importeve të naftës në BE. Perëndimi ka vendosur sanksione të ashpra ekonomike dhe diplomatike kundër Rusisë, pasi kjo e fundit ka nisur invazionin kundër Ukrainës, më 24 shkurt. Mes tjerash, vendet perëndimore kanë ngrirë asetet e Bankës Qendrore Ruse, kanë bllokuar disa banka ruse nga sistemi i pagesave SWIFT, kanë mbyllur hapësirën ajrore për avionët rusë, u kanë ngrirë pasurinë mbi 1,000 individëve, përfshirë zyrtarë të Kremlinit dhe oligarkë. Shtetet e Bashkuara kanë ndaluar, po ashtu, importin e naftës dhe të gazit rus. Rusia është një nga prodhuesit dhe eksportuesit e dy mallrave strategjike, domethënë naftës dhe gazit, dhe mund ta shfrytëzojë atë maksimalisht për të ushtruar presion mbi vendet e Kontinentit të Gjelbër, veçanërisht ato që respektojnë plotësisht sanksionet e Shteteve të Bashkuara, duke pasur parasysh varësinë e pamohueshme të Evropës nga këto dy produkte strategjike. Të vetëdijshëm për këtë, evropianët tani po përpiqen të marrin të ashtuquajturën iniciativë në këtë drejtim duke vendosur sanksione ndaj naftës ruse. Masa synon të privojë Rusinë nga të ardhurat nga nafta. Rusia thuhet se ka shitur rreth 60 miliardë dollarë naftë në dy muajt që nga fillimi i luftës në Ukrainë. Natyrisht, duket se për shkak të shumëllojshmërisë së vendeve furnizuese me naftë në tregjet botërore, është e mundur të zëvendësohet deri diku nafta ruse për këto vende. Megjithatë, një lëvizje e tillë e Rusisë, një embargo ruse e naftës, do të çonte në mënyrë të pashmangshme në një rritje globale të çmimeve të naftës. Në fakt, Moska po përpiqet t'ua bëjë të qartë armiqve të saj perëndimorë se sanksionet janë një thikë me dy tehe dhe se nëse blloku perëndimor vendos sanksione të pashembullta dhe të gjera ndaj Rusisë, Moska tani mund t'u japë goditje efektive vendeve jomiqësore.