260 ushtarë amerikanë në rrugën e tyre për në Evropë

Ushtria amerikane me pretekstin e luftës në Ukrainë do të dërgojë më shumë trupa në Evropë.

Ushtria amerikane në një deklaratë pretendoi se ndërsa lufta e Rusisë në Ukrainë hyn në muajin e saj të shtatë, SHBA do të dërgojë 260 trupa të tjera në kontinent për të mbështetur aleatët e saj evropianë. Në deklaratën e ushtrisë amerikane thuhet se ushtarët amerikanë po nisen për në Evropë nga selia e Divizionit 101 Ajror në bazën ushtarake “Fort Campbell”. Sipas ushtrisë amerikane, ushtarët në fjalë do të vendosen në Evropë në përputhje me angazhimin e vazhdueshëm të Shteteve të Bashkuara ndaj aleatëve evropianë dhe NATO-s. Ushtria amerikane pretendon se vendosja e përkohshme e trupave amerikane në Evropë është në përgjigje të sulmit ndaj Ukrainës dhe nuk ka asnjë arsye për një ndryshim të përhershëm në situatën e përgjithshme të forcave të ushtrisë amerikane në Evropë. Në deklaratën e ushtrisë amerikane, thuhet se ekspertiza e kësaj brigade ushtarake është në fushën e logjistikës dhe shërbimeve të personelit për të mbështetur forcat e stacionuara në Evropë.