Kina: Amerika duhet të ndalojë menjëherë shitjet e armëve në Tajvan

Zëdhënësi i ambasadës kineze në Shtetet e Bashkuara njoftoi: Shitja e Uashingtonit të armëve ushtarake në Tajvan shkel parimin e "një Kinë" dhe Pekini do të marrë me vendosmëri masat e nevojshme për të ruajtur sovranitetin dhe sigurinë e tij.

Sipas agjencisë së lajmeve Sputnik, Li Pengyu, zëdhënësi i Ambasadës Kineze në Uashington, i bëri thirrje qeverisë amerikane të ndalojë menjëherë shitjen e armëve dhe pajisjeve ushtarake në Tajvan, duke theksuar se shitja e armëve amerikane në Tajvan shkel rëndë parimin Një Kinë dhe Marrëveshjen dypalëshe SHBA-Kinë dhe inkurajon forcat separatiste dhe rrit tensionet në ngushticën e Tajvanit. Orë më parë mediat amerikane njoftuan se administrata e Presidentit të Shteteve të Bashkuara, Joe Biden, kërkon miratimin e Kongresit të këtij vendi për shitjen e armëve me vlerë 1.1 miliardë dollarë Tajvanit. Kjo paketë armësh përfshin 60 raketa anti-anije Harbon me vlerë 355 milionë dollarë dhe 100 raketa strategjike ajër-ajër. Raundi i ri i tensioneve në Tajvan filloi pasi Nancy Pelosi, kryetare e Dhomës së Përfaqësuesve të SHBA-së, pavarësisht paralajmërimeve të autoriteteve kineze udhëtoi në ishullin e Tajvanit më 11 gusht, një udhëtim që, sipas zyrtarëve kinezë, shkel politikën "Një Kinë". Më pak se dy javë pas udhëtimit të diskutueshëm të Pelosit, disa senatorë amerikanë vizituan ishullin duke shtuar veprimet destabilizuese të SHBA në rajonin e Azisë Lindore.