Më shumë veteranë vdesin nga vetëvrasja sesa raporton qeveria amerikane

Një studim i ri gjithëpërfshirës ka zbuluar se veteranët ushtarakë amerikanë po kryejnë vetëvrasje në një shkallë shumë më të lartë sesa raporton qeveria amerikane.

Mesatarisht, 24 ish-anëtarë të ushtrisë po vetëvriten çdo ditë, 37 për qind më shumë se sa është raportuar nga Departamenti Amerikan i Çështjeve të Veteranëve, sipas një studimi nga Partneriteti Amerikan i Luftës (AWP) të kryer së bashku me Universitetin e Alabamas dhe Universiteti Duke. Përveç kësaj, mesatarisht 20 veteranë po vdesin çdo ditë nga "vetëlëndimet", siç është mbidoza e drogës. Studimi gjeti mijëra raste të vetëvrasjeve të dyshuara ose të konfirmuara që nuk ishin përfshirë në raportet federale. "Këto janë të gjitha vdekje të parandalueshme," tha Jim Lorraine, president i AWP dhe një veteran i Forcave Ajrore amerikane. “Numri është më pak i rëndësishëm se metodologjia e gjurmimit të këtyre rasteve që mund të na çojë drejt hapave parandalues”, shtoi ai. Veteranët që ishin në shërbim për më pak se tre vjet ishin në rrezikun më të madh të vetëvrasjes, zbuloi raporti, dhe gjasat që veteranët të vrisnin veten u rritën me 56 përqind nëse do të kishin marrë një ulje në detyrë. Vetëvrasja është përshkruar si një krizë shëndetësore kombëtare në Shtetet e Bashkuara, me më shumë se 45,000 amerikanë që vetëvriten çdo vit.