Shqetësim për zgjerimin e sferës së protestave dhe grevave në Francë

Qeveria franceze është e shqetësuar për përhapjen e grevës së punëtorëve të rafinerisë në të gjithë vendin dhe madje shndërrimin e tyre në trazira të gjera dhe bashkimin me opozitën politike për të nisur një lëvizje të madhe që kërcënon planet reformuese të presidentit të këtij vendi, Emmanuel Macron.

Mediat raportojnë për intensifikimin e krizës energjetike në Francë dhe konfliktet mes njerëzve për benzinën në këtë vend.  Punëtorët në Total Energy dhe ESO të Francës dhe kompaninë amerikane ExxonMobil kanë qenë në grevë për më shumë se dy javë, duke kërkuar paga më të larta. Në mes të krizës së kostos së jetesës, një pjesë e madhe fitimeve të konsiderueshme të të dyja kompanive erdhi për shkak të rritjes së çmimeve të energjisë. Grevat e punonjësve të rafinerisë dhe mbarimi i rezervave të benzinës në pikat e shpërndarjes së karburanteve kanë sjellë vendime për protesta kundër sektorëve industrial dhe sektorëve të tjerë dhe kanë krijuar një mundësi të mirë për kundërshtarët e qeverisë. Në këtë grevë, punonjësit e kompanisë "Total Energy" kanë bllokuar daljen e rafinerive dhe furnizimin me karburant nga rafineritë dhe sektori petrokimik. Disa punonjës të centraleve bërthamore, të frymëzuar nga kolegët e tyre punëtorë në rafineri, kanë nisur një grevë periodike për të kërkuar rritje të pagave, gjë që ka ulur më tej sasinë e prodhimit të energjisë bërthamore në këtë vend. Greva e gjatë e punonjësve të sektorit të prodhimit të karburanteve vazhdon dhe duket se situata ekonomike dhe sociale e Francës po përkeqësohet gjithnjë e më shumë dhe sigurisht zgjerimi i kësaj greve mund të çojë në paralizimin e këtij vendi. Kjo ka krijuar një mundësi të mirë për partitë dhe fraksionet që kundërshtojnë qeverinë në Francë për të ushtruar më shumë presion mbi qeverinë e Macron. Në fakt, tani Macron është nën presion të dyfishtë si nga partitë e majta radikale ashtu edhe nga partitë e ekstremit të djathtë, të cilët kritikojnë politikat dhe veprimet e qeverisë franceze në arenën e brendshme dhe të jashtme. Krahas mungesës së benzinës, Franca po përballet edhe me mungesën e energjisë elektrike. Për të përballuar këtë situatë, qeveria e këtij vendi ka bërë planin për “Menaxhimin e Energjisë” duke e vënë atë si shtyllën kryesore të politikës së saj për të parandaluar ngarkesën shtesë në rrjetin elektrik. Por ekspertët mendojnë se Parisi do të ketë një dimër të vështirë përpara. "Marine Le Pen", kryetarja e partisë së ekstremit të djathtë "Rally National", paralajmëroi se Franca duhet të presë një "dimër të vështirë" dhe tha: "Sanksionet kundër Rusisë nuk kanë funksionuar dhe përkundrazi kanë dëmtuar popullin francez". Veprimet e Macron kanë shkaktuar një reagim të gjerë negativ në shoqërinë franceze, e cila fajëson qeverinë franceze për miratimin e politikave dhe masave anti-ruse dhe pasojat e tyre, d.m.th mungesën e madhe të gazit, rritjen e paprecedentë të normës së inflacionit dhe përhapjen e recesionit ekonomik.