Dështimi i politikave të sanksioneve perëndimore; Franca kthehet drejt Maduros

Ndërsa Shtetet e Bashkuara dhe Evropa janë përpjekur të përmbysin qeverinë e majtë të Venezuelës duke aplikuar politika të shumta sanksionesh dhe presionin maksimal për më shumë se një dekadë, tani perëndimorët i janë drejtuar Venezuelës.

Në një bisedë me homologun e tij venezuelian Nicolas Maduro, presidenti francez Emmanuel Macron theksoi se të dy vendet mund të kenë marrëdhënie më të mira dypalëshe.  Vitet e fundit, duke ndjekur politikat e SHBA-së, Evropa ka bërë një përpjekje masive për të rrëzuar qeverinë venezueliane. Me synimin për të ushtruar presion ekonomik kundër Karakasit, ata zbatuan sanksione të ndryshme politike dhe ekonomike. Ndër sanksionet më të rëndësishme të SHBA-së kundër Venezuelës ishte ajo që kompania e naftës e këtij vendi u sanksionua dhe blerja e naftës u ndalua. Megjithatë, sanksionet e rënda perëndimore kundër Venezuelës, veçanërisht në sektorin e energjisë, vazhdojnë. Mision Verdad kohët e fundit raportoi se bllokada ekonomike, embargoja, ngrirja e aseteve dhe parandalimi i negociatave në tregjet ndërkombëtare janë shembuj të masave të sanksioneve të qeverisë amerikane që ajo ka përdorur për të arritur qëllimet e saj politike në Venezuelë. Me fillimin e luftës në Ukrainë në shkurt të vitit 2022, vendet evropiane ndoqën sërish politikat e Shteteve të Bashkuara dhe vendosën embargo ndaj naftës ruse për të ndëshkuar dhe bërë presion ekonomik mbi këtë vend. Por ky veprim ka prekur në fakt vetë ata që ishin shumë të varur nga importi i naftës ruse, kështu që shumica e vendeve evropiane, veçanërisht Franca, Gjermania dhe Italia, kanë hasur në krizë karburanti dhe në problemet ekonomike të rënduara. Këto kushte bënë që vendet perëndimore të mendojnë për rivendosjen e marrëdhënieve me vende të tilla si Algjeria dhe Venezuela. Ndërkohë qeveria e presidentit amerikan Joe Biden kohët e fundit shpresën shprehu se rifillimi i blerjeve të naftës së papërpunuar të Venezuelës do të ndihmojë Evropën të reduktojë varësinë e saj nga Rusia. Tani, vendet evropiane kanë kontaktuar Venezuelën dhe disa vende të tjera prodhuese të naftës për të zgjidhur mungesën e energjisë që është rezultat i politikave të sanksioneve ndaj Rusisë, gjë që në fakt në terma afatgjatë tregon joefektivitetin e politikave të sanksioneve perëndimore.