Francezët kërkojnë tërheqjen e vendit të tyre nga NATO

Mijëra francezë protestuan në Paris, duke kërkuar tërheqjen e Francës nga Organizata e Traktatit të Atlantikut të Veriut (NATO).

Sipas agjencisë së lajmeve Fars, demonstruesit, duke mbajtur flamuj dhe shenja, shprehën kundërshtimin e tyre ndaj luftënxitjes së NATO-s. Gjithashtu, populli francez zhvilloi një demonstratë të madhe në Paris, kryeqytetin e Francës, në të njëjtën kohë me përvjetorin e katërt të protestave të jelekverdhëve. Videot e publikuara tregojnë praninë e madhe të policisë dhe forcave të sigurisë gjatë rrugës për në demonstratë, ndërsa në disa video shihet edhe konflikti mes policisë dhe demonstruesve. Protestat e jelekverdhëve në Francë nisën më 17 nëntor 2018, me qëllim realizimin e reformave mjedisore, por shpejt ato u shndërruan në demonstrata masive javore kundër qeverisë Macron. Ndërsa Evropa është nën hijen e luftës midis Rusisë dhe Ukrainës, francezët kanë protestuar vazhdimisht kundër kostos së lartë të jetesës dhe çmimit të karburanteve. Nga ana tjetër, skena e brendshme e Francës dhe sektori i naftës dhe gazit të këtij vendi ka qenë dëshmitar i grevave të punëtorëve për pagat dhe kostot e larta të jetesës.