Parlamenti francez miratoi një rezolutë anti-iraniane

Ligjvënësit francezë, duke përsëritur pretendimin për shtypjen e rebelëve në Iran, e dënuan këtë veprim dhe u kërkuan qeverive evropiane të ushtrojnë më shumë presion ndaj Iranit për të hetuar shkakun e vdekjes së Mahsa Amini.

Sipas IRNA nga Associated Press, ligjvënësit e Asamblesë Kombëtare Franceze të hënën duke miratuar një rezolutë jodetyruese, mbështetën rebelët në Iran. Në këtë rezolutë, qeverive evropiane u kërkohet të rrisin presionin ndaj Iranit për t'iu përmbajtur premtimeve ndërkombëtare dhe për të hetuar se çfarë ndodhi me Amini, e cila sipas tyre u arrestua për shkelje të ligjeve strikte të veshjes. Duke përsëritur pretendimet anti-iraniane të Perëndimit, parlamentarët francezë pretenduan se veprimet e Iranit janë një shkelje e qartë e të drejtës për të mbajtur demonstrata dhe lirisë së fjalës, gjë që për ta është e papranueshme. Kjo rezolutë kërkon gjithashtu lirimin e shtatë shtetasve francezë të ndaluar në Iran. Gjithashtu, në këtë takim, ministri i Jashtëm francez tha: Bashkimi Evropian, i cili deri më tani ka miratuar dy paketa sanksionesh kundër Republikës Islamike të Iranit, po përgatit paketën e tretë të sanksioneve. Pas dështimit të projektit të sabotimit në Iran, vendet perëndimore tani po kërkojnë mënyra të reja për të ushtruar presion mbi Teheranin. Në këtë drejtim, përveç projektimit të sanksioneve të reja, perëndimorët, veçanërisht evropianët, kanë lëshuar deklarata dhe rezoluta anti-iraniane dhe kanë intensifikuar presionin politik të tyre.