Grevë e paprecedentë e infermierëve në Britani

Infermierët e Shërbimit Shëndetësor Kombëtar në Britani kanë nisur një nga grevat më të mëdha në historinë e tyre këtë të enjte, pas një mosmarrëveshje të ashpër me qeverinë mbi pagat , që tani rrit presionin mbi spitalet në një nga kohët më të ngarkuara të vitit.

Rreth 100,000 infermierë do të futën në  grevë në 76 spitale dhe qendra shëndetësore, duke anuluar rreth 70,000 takime, procedura dhe operacione të financuar nga shteti britanik deri të paktën më 20 dhjetor. Grevistët synojnë të rrisin pagat në 5% mbi inflacionin aktual në Angli dhe të protestojnë kundër vendimit të qeverisë për të rritur pagat minimale në 1400 £. Britania po përballet me një valë dëmesh industriale këtë dimër, pasi grevat do të prekin edhe  rrjetin hekurudhor dhe shërbimin postar, ndërsa dhe aeroportet kanë lajmëruar për ndërprerje të punës gjatë Krishtlindjeve. Megjithatë, nga të gjitha grevat, pamja e infermiereve në grevë , do të jetë imazhi më i spikatur për shumë britanikë këtë dimër. ‘Kjo është një ditë tragjike për infermierët, është një ditë tragjike për pacientët, dhe është një ditë tragjike për njerëzit e kësaj shoqërie dhe për shërbimin tonë shëndetësor”, tha të enjten Pat Cullen, kreu i sindikatës së Infermierisë.