Norvegjia planifikon t'i japë Ukrainës 7.3 miliardë dollarë ndihmë

Kryeministri norvegjez Jonas Gahr Stoere tha se Norvegjia planifikon t'i dërgojë Ukrainës një paketë ndihme pesëvjeçare me vlerë 75 miliardë korona (7.3 miliardë dollarë), pothuajse një vit pasi Rusia filloi një luftë të vazhdueshme në ish-republikën sovjetike.

Premtimi i kryeministrit të Norvegjisë erdhi të hënën pasi vendi nordik, një eksportues i madh i naftës, rriti ndjeshëm të ardhurat e tij duke eksportuar gaz natyror në Evropën e bllokuar, kur çmimi i gazit u rrit në qiell për shkak të luftës në Ukrainë. Megjithatë, Oslo u përball me kritika nga disa vende dhe pjesë të opozitës në vend për korrjen indirekte të niveleve rekord të fitimeve nga lufta aktuale. "Ne po propozojmë që Norvegjia të japë një kontribut të detyrueshëm dhe të qëndrueshëm për Ukrainën. Ne po propozojmë që 15 miliardë korona në vit t'i jepen Ukrainës për pesë vjet, ose 75 miliardë krona", u tha Stoere gazetarëve, pasi prezantoi detajet e planit të tij për liderët e opozitës. Paketa e ndihmës thuhet se mbulon nevojat humanitare dhe kërkesat ushtarake për Ukrainën. Kryeministri norvegjez vuri në dukje gjithashtu se ndihma humanitare do t'u dërgohet organizatave që "kanë përvojën më të madhe në ofrimin e ndihmës humanitare", ndërsa ndihma ushtarake do të koordinohet me aleatët amerikanë dhe evropianë për "të shmangur pengesat".