Kissinger: Marrëveshja Iran-Arabi Saudite i ndërlikon gjërat për Izraelin

Ish-sekretari amerikan i Shtetit, Henry Kissinger, theksoi pasojat që do të ketë për regjimin izraelit në rajonin e Lindjes së Mesme, marrëveshja e fundit e ndërmjetësuar nga Kina për afrimin midis Iranit dhe Arabisë Saudite.

Cituar nga The Washington Post, Kissinger e konsideroi marrëveshjen -- që u arrit midis Teheranit dhe Riadit nën ndërmjetësimin kinez në Pekin në fillim të marsit -- si "një ndryshim thelbësor në situatën strategjike në Lindjen e Mesme." Marrëveshja saudito-iraniane do t'i ndërlikonte gjërat për regjimin izraelit, tha kryediplomati i kohës së presidentit Nixon. Kjo është për shkak të faktit se regjimi izraelit nuk do të ishte më në gjendje të ushtronte presion mbi Iranin aq lehtë sa dikur përpara nënshkrimit të marrëveshjes, shpjegoi ai. Që tani e tutje, Izraeli do të duhet të "marrë parasysh interesat kineze" nëse do të vazhdojë të përpiqet të "rrisë presionin mbi Iranin," shtoi Kissinger. Ai tha gjithashtu se marrëveshja përbënte një hap të madh nga Pekini në përpjekjet e tij për të pasur një rol në formësimin e "rendit botëror". "Kina në vitet e fundit ka deklaruar se duhet të jetë pjesëmarrëse në krijimin e rendit botëror. Tani ka bërë një lëvizje të rëndësishme në atë drejtim" duke ndërmjetësuar marrëveshjen saudito-iraniane, tha Kissinger. Ndërkohë, Kissinger u citua gjithashtu të thoshte se marrëveshja e nënshkruar midis Teheranit dhe Riadit shënoi gjithashtu një përpjekje të sauditëve për të "balancuar sigurinë e tyre duke luajtur kundër SHBA-së në favor të Kinës". Autori i artikullit, kolumnisti për marrëdhëniet e jashtme të Washington Post, David Ignatius, pranoi gjithashtu se "SHBA nuk është më fuqia dominuese në rajon..."