Mohammad bin Salman falënderon presidentin kinez

Në një bisedë telefonike me presidentin kinez Xi Jinping, Princi i Kurorës i Arabisë Saudite, Mohammad bin Salman falënderoi nismën e Kinës për të mbështetur zhvillimin e marrëdhënieve të fqinjësisë së mirë midis Arabisë Saudite dhe Iranit, njoftoi të martën (28 mars) Agjencia zyrtare saudite e lajmeve SPA.

Princi i kurorës i Arabisë Saudite theksoi gjithashtu nevojën për marrëdhënie strategjike të vendit të tij me Republikën Popullore të Kinës. Nga ana e tij, presidenti kinez përshëndeti rolin e Riadit në zhvillimin e bashkëpunimit midis Kinës dhe vendeve anëtare të Këshillit të Bashkëpunimit të Gjirit Persik dhe vendeve të Lindjes së Mesme, duke thënë se vendi i tij është i gatshëm të vazhdojë të mbështesë procesin vijues të dialogut midis Teheranit dhe Riadit. Gjatë bisedës telefonike, të dy palët shqyrtuan disa fusha, duke përfshirë bashkëpunimin dhe partneritetin mes Arabisë Saudite dhe Kinës, duke theksuar përpjekjet për forcimin e bashkëpunimit të dy vendeve.