Blogeri i famshëm rus u vra nga një statujë e minuar

Një bloger i famshëm ushtarak rus u vra në një shpërthim në Shën Petersburg.

Sipas Guardian; Një shpërthim në një kafene në Shën Petersburg të Rusisë vrau një bloger të njohur ushtarak dhe plagosi 30 të tjerë. Vladlen Tatarsky, një bloger i famshëm rus dhe mbështetës i vendosur i luftës në Ukrainë, u vra në këtë shpërthim.  Disa raporte bëjnë me dije se në bustin e blogerit ishte futur një bombë, e cila iu dha si dhuratë. Tatarsky ishte një nga blogerët kryesorë në temën e luftës në Ukrainë dhe vrasja e tij mund të lidhej me këtë çështje. Mediat ruse thonë se Tatarsky po takonte njerëz kur një grua i dhuroi atij një kuti që përmbante një bust të tij të mbushur me bombë. Agjencia ruse e lajmeve Interfax raportoi se kjo grua, Darya Tryopova, u arrestua me dyshimin se ishte e përfshirë në shpërthimin. Mësohet se ajo ishte arrestuar më parë për pjesëmarrje në marshime kundër luftës.