6 viktima nga përmbytjet në Slloveni

Përmbytjet shkatërruese dhe kushtet e pafavorshme të motit në Slloveni kanë vrarë të paktën gjashtë persona dhe kanë shkaktuar dëme materiale në vlerë 500 milionë dollarësh, tha një zëdhënës i qeverisë sllovene.

Kryeministri i Sllovenisë, Robert Golob tha se përmbytjet që nisën të premten janë “fatkeqësia më e keqe natyrore që ka goditur ndonjëherë” vendin. Përmbytjet shkaktuan ngritjen e lumenjve që shpërthyen në fusha dhe qytete, duke çuar në shkatërrimin e rrugëve dhe infrastrukturës, shtoi një zëdhënës i agjencisë sllovene të mjedisit. “Ka dëme të pabesueshme në të gjithë vendin”, tha zëdhënësi i agjencisë së mjedisit të hënën, pasi konfirmoi se shiu i një muaji ra në më pak se një ditë.