Protesta e mijëra njerëzve në Francë kundër brutalitetit të policisë

Mijëra njerëz dolën në rrugë në qytete të ndryshme të Francës dhe protestuan kundër brutalitetit të policisë.

Sipas agjencisë së lajmeve Tasnim, rreth tre muaj pas vdekjes së një adoleshenti gjatë një kontrolli policor, mijëra njerëz në Francë edhe një herë dolën në rrugë në të gjithë vendin dhe demonstruan kundër brutalitetit të policisë. Protestuesit u përleshën me policinë në Paris. Ata u ankuan për racizëm sistematik, brutalitet policor dhe pabarazi sociale në rritje, gjë që prek veçanërisht periferitë. Kërkesat e tyre përfshinin rregulla më të rrepta për përdorimin e armëve të zjarrit nga policia, krijimin e një organi të pavarur hetimor për krimet brenda policisë dhe investim gjithëpërfshirës të qeverisë në zonat e privuara sociale të qyteteve. Më 27 qershor, Nahal Marzuk, një 17-vjeçar francezo-algjerian u qëllua për vdekje nga policia në periferinë perëndimore të Parisit. Pas kësaj vrasjeje, për disa netë me radhë, Franca dëshmoi demonstrata masive dhe trazira që çuan në arrestimin e më shumë se 3000 personave në të gjithë vendin.