Rritet numri i fëmijëve që emigrojnë nga Deti Mesdhe drejt Evropës
Në një deklaratë, Fondi i Kombeve të Bashkuara për Fëmijët (UNICEF) njoftoi rritjen e numrit të fëmijëve që kalojnë nga Deti Mesdhe për në Evropë.
Sipas agjencisë së lajmeve Sputnik, Fondi i Kombeve të Bashkuara për Fëmijët (UNICEF) në këtë deklaratë njoftoi se nga janari deri në mes të shtatorit 2023më shumë se 11,600 fëmijë u larguan nga Deti Mesdhe për në Itali pa prindërit ose kujdestarët e tyre ligjorë, gjë që në krahasim me të njëjtën periudhë të vitit 2022 që ishte rreth 7200 fëmijë, është rritur me 60%. Midis qershorit dhe gushtit 2023 të paktën 990 njerëz, përfshirë shumë fëmijë kanë vdekur ose janë zhdukur duke u përpjekur që të kalonin Detin Mesdhe. Sipas një deklarate nga Fondi i Kombeve të Bashkuara për Fëmijët, kjo është trefishi i numrit të regjistruar gjatë së njëjtës periudhë të verës së vitit 2022. Fëmijët pa prindër ose kujdestarë ligjorë janë të ekspozuar ndaj rrezikut të shfrytëzimit dhe abuzimit të tyre gjatë udhëtimit nga Deti Mesdhe për në Evropë, theksoi UNICEF në deklaratën e vet. Deklarata citon Regina de Dominicis, Drejtoreshë Rajonale e UNICEF-it për Evropën dhe Azinë Qendrore, të ketë thënë se Mesdheu është bërë një varrezë për fëmijët dhe të ardhmen e tyre. New York Times më parë ka shkruar se vdekja masive është bërë një fenomen normal në kufijtë e Evropës dhe vendet perëndimore vazhdojnë të injorojnë shkeljen e të drejtave të njeriut dhe pabarazinë e shkaktuar nga kriza e emigracionit.
