Plani i Amerikës për të vazhduar agresionin ushtarak kundër Jemenit

Mediat amerikane, pasi pranuan se aftësitë ushtarake të ushtrisë jemenase nuk janë ulur pas sulmeve të Uashingtonit dhe aleatëve të tij, bënë të ditur planin e administratës Biden për të vazhduar sulmet ndaj këtij vendi.

Sipas Isna, qeveria e presidentit amerikan Joe Biden po planifikon një fushatë edhe më të gjerë ushtarake kundër Jemenit. Gazeta Ëashington Post të dielën shkroi se pasi sulmet e SHBA-së ndaj pozicioneve në Jemen në 10 ditët e fundit nuk arritën të parandalojnë sulmet e forcave të armatosura të vendit ndaj anijeve të lidhura me regjimin sionist, Uashingtoni po e avancon këtë plan. Megjithatë, mediat amerikane raportuan se ekziston shqetësimi midis zyrtarëve të vendit se një operacion i gjerë do të prishë paqen e brishtë në Jemen dhe do ta çojë Amerikën në një konflikt të paparashikueshëm në rajonin e Azisë Perëndimore. Washington Post shkruan se ushtria jemenase që nga nëntori ka organizuar 30 sulme me raketa dhe dronë kundër anijeve tregtare dhe zyrtarët amerikanë thonë se strategjia e tyre në Jemen është të përpiqen të zvogëlojnë fuqinë ushtarake të ushtrisë së këtij vendi për të shënjestruar anijet tregtare në Detin e Kuq dhe Gjirin e Adenit, ose të paktën të krijojnë pengesa të përshtatshme për rifillimin e aktiviteteve të kompanive të anijeve në ujërat e rajonit. Disa zyrtarë të Ministrisë së Punëve të Jashtme dhe të Agjencisë së Shteteve të Bashkuara për Zhvillim Ndërkombëtar shprehen të shqetësuar se sulmet e SHBA-së do të çojnë në zgjerimin e sulmeve të ushtrisë jemenase ndaj Arabisë Saudite, veçanërisht në rafineritë e naftës të këtij vendi, si dhe do të shkaktojnë probleme edhe në procesin e paqes në Jemen. Edhe pse ligjvënësit amerikanë mbështesin sulmet ndaj Jemenit, ata besojnë se administrata Biden nuk ka planifikuar një strategji të qartë apo një fund të saj dhe se këto sulme, përveçse janë të kushtueshme, nuk kanë eliminuar shqetësimet për përshkallëzimin e tensioneve në rajon.