Liderët evropianë dënuan tentativën për vrasjen e kryeministrit sllovak
Krerët e vendeve dhe institucioneve evropiane dënuan tentativën për vrasje të kryeministrit sllovak Robert Fico dhe u shprehën njëzëri se “këto veprime nuk kanë vend në Evropë".
Sipas agjencisë iraniane të lajmeve ISNA, Sekretari i Përgjithshëm i NATO-s, Jens Stoltenberg, ka reaguar për atentatin ndaj Fico-s në rrjetin social X (ish-Twitter) dhe ka shkruar: “Jam i tronditur dhe i tmerruar nga të shtënat ndaj Robert Fitso-s dhe shpresoj që ai të shërohet sa më shpejt. Unë qëndroj pranë tij, njerëzve të tij të dashur dhe popullit të Sllovakisë".
Ursula von Der Leyen, kryetarja e Komisionit Evropian, gjithashtu e konsideroi tentativën për vrasjen e kryeministrit sllovak si një akt që minon demokracinë dhe shkroi në rrjetin social X: "E dënoj ashpër sulmin e turpshëm ndaj Robert Fico-s. Këto veprime nuk kanë vend në shoqëritë tona."
Dje, kryeministri sllovak Robert Fico u qëllua dhe u dërgua në spital me helikopter pas largimit nga një takim me anëtarët e qeverisë.
Sipas agjencis Sputnik, ndërhyrja kirurgjikale e kryeministrit të Sllovakisë, Robert Fico, është kryer me sukses.
Më herët, kanali televiziv "Markiza" në Sllovaki raportoi se personi përgjegjës për sulmin ndaj kryeministrit Fico është një shkrimtar 71-vjeçar i quajtur "Juraj Cintula", një shkrimtar që ka themeluar një shoqatë letrare në Sllovaki.
