Emërimi i ambasadores së parë palestineze në Irlandë

Pas njohjes së shtetit të Palestinës pranverën e kaluar, Dublini ra dakord të emërojë për herë të parë një ambasador palestinez në Irlandë.

Sipas agjencisë së lajmeve Fars, burime qeveritare thanë se Jilan Wahba Abdul Majid, një diplomate palestineze e cila aktualisht është kryetare e delegacionit palestinez në Irlandë, do të marrë këtë post të ri.

Në fund të majit, Irlanda, Spanja dhe Norvegjia njohën zyrtarisht shtetin e pavarur të Palestinës, duke e përmendur atë si një mjet për të promovuar paqen në Lindjen e Mesme. Një javë më vonë, edhe Sllovenia mori të njëjtin vendim.

Ky vendim zemëroi autoritetet izraelite dhe Israel Katz, ministri i Jashtëm izraelit në atë kohë, kritikoi ashpër liderët e këtyre vendeve në rrjetet sociale.