Jepet urdhri për arrestimin e presidentit të Koresë së Jugut

Lëshohet më në fund urdhër-arresti për Yoon Suk Yeol, presidentin e akuzuar të Koresë së Jugut, i cili kishte injoruar tre thirrje për paraqitje, një vendim që jepet për herë të parë për kreun e shtetit koreano-jugor.

Agjencia e lajmeve Yonhap shtoi: "Një gjykatë në Seul ka lëshuar një urdhër arresti për presidentin e këtij vendi, Yoon Suk Yeol, i cili u fajësua nga parlamenti pas vendosjes së ligjit ushtarak."

Gjykata e Qarkut Perëndimor të Seulit ka miratuar kërkesën e Byrosë së Hetimit të Korrupsionit për Zyrtarët e Lartë (CIO) për të lëshuar një urdhër arresti kundër Yoon me akuzën e zbatimit të juntës ushtarake të dështuar të 3 dhjetorit, i cili akuzohet edhe për rebelim dhe abuzim me pushtetin.

Zbatimi i ligjit ushtarak 6-orësh më 3 dhjetor në Korenë e Jugut nga Yoon Suk Yeol bëri që ai të fajësohej nga parlamenti i këtij vendi më 14 dhjetor dhe të pezullohej nga detyra.

Ndërkohë, hetuesit e Koresë së Jugut kanë paralajmëruar se kushdo që përpiqet të parandalojë arrestimin e presidentit të rrëzuar Yoon Suk Yeol do të ndiqet penalisht.