The Guardian: Amerika dhe Izraeli po kërkojnë të shfrytëzojnë protestat iraniane

Pars Today - Një media britanike shkroi se Amerika dhe regjimi sionist po kërkojnë të shfrytëzojnë protestat e disa qytetarëve iranianë për të arritur qëllimet e tyre.

Gazeta britanike "The Guardian" shkroi në shënimin e saj editorial të dielën: “Presidenti i SHBA-së Donald Trump dhe kryeministri izraelit Benjamin Netanyahu pretendojnë se duan të ndihmojnë popullin e Iranit, por ata po kërkojnë ta shfrytëzojnë atë për të arritur qëllimet e tyre dhe vetëm sa do të rrisin vuajtjet e popullit”.

Sipas Pars Today, duke iu referuar zhvillimeve në Iran, gazeta "The Guardian" deklaroi: “Trump, i cili është i dehur nga arrestimi i presidentit Nicolas Maduro në Venezuelë, mendon se mund të arrijë fitoren kundër Iranit përmes ndërhyrjes së huaj”.

Sipas këtij shënimi, “Netanyahu ka një histori të gjatë të detyrimit të Trumpit që të ndërmarrë veprime të rrezikshme, por koston e kësaj do ta paguajnë qytetarët iranianë dhe njerëz të tjerë në rajon”.

Artikulli u botua ndërsa presidenti i SHBA-së dhe kryeministri i regjimit sionist po mbështesin hapur protestuesit në Iran.