Kultura e martirizimit Husejnian; çelësi i pathyeshmërisë së Iranit përballë armiqve

ParsToday- Media zyrtare e Ministrisë së Mbrojtjes së Rusisë e ka cilësuar “kulturën e martirizimit”, të frymëzuar nga kryengritja e Imam Husejnit (a.s.), si faktorin kryesor të pathyeshmërisë së Iranit dhe rezistencës së tij të qëndrueshme përballë kërcënimeve të SHBA-së dhe regjimit izraelit.

Sipas raportimit, rrjeti “Zvezda”, në pronësi të Ministrisë së Mbrojtjes së Rusisë, shkruan se ajo që ka bërë të mundur që Irani të rezistojë për më shumë se një muaj ndaj agresionit amerikan dhe izraelit është pikërisht kjo kulturë e martirizimit.

Kjo media ruse thekson se sekreti i pathyeshmërisë së Teheranit nuk qëndron te municionet, pajisjet ushtarake apo paratë, por te një traditë e lashtë historike e martirizimit që luan rol vendimtar.

Në analizën e saj, kjo media i referohet ngjarjes së vitit 680 dhe shkruan se Imam Husejni (a.s.), nipi i Profetit të Islamit s.a.v.s., edhe pse ishte i vetëdijshëm për martirizimin e tij, refuzoi t’i nënshtrohej Jezidit, një sundimtari tiran.

Në këtë ngjarje, vetëm 72 nga shokët e tij qëndruan përballë një ushtrie me mijëra ushtarë dhe të gjithë ranë dëshmorë.

“Zvezda” thekson se iranianët nuk e konsiderojnë këtë ngjarje si humbje, por si një fitore të shfaqur në formën e martirizimit.

Sipas kësaj mediaje, miliona shiitë çdo vit mbajnë zi për Imam Husejnin (a.s.), por kjo nuk është thjesht një ceremoni zie. Ajo përshkruhet si një ritual unik rezistence që ka rrënjë të thella në shoqërinë iraniane. Analistët rusë besojnë se kjo qasje përbën shtyllën kryesore të moralit mbrojtës të Iranit.

Kërkoni video, na ndiqni: https://t.me/ParsTodayshqip