Trump redukton me 37% buxhetn e DASH

Donald Trump, presidenti i Amerikës, do të reduktojë buxhetin e Departamentit Amerikan të Shtetit me një të tretën. Gazeta amerikane "Wall Street" të martën në një raport të saj ka shkruar se sipas planit të Donald Trump i cili akoma nuk është finalizuar, buxheti i DASH do të reduktohet me 37 %.

Me reduktimin e buxhetit të DASH, ekziston mundësia që të reduktohet edhe numri i punonjësve të këtij departamenti dhe të forcave të sigurisë në selitë diplomatike amerikane jashtë vendit. Kjo është në kohën kur një ditë më parë është thënë se Trump do të reduktojë me 50% buxhetin e Departamentit Amerikan të Mbrojtjes.