Trump kërkon nga anëtarët e NATO-s të shpenzojnë më shumë

Presidenti amerikan, Donald Trump i ka përsëritur thirrjet e tij se anëtarët e aleancës duhet të bëjnë më tepër lidhur me kontributet e tyre financiare.

Këto komente të Trump u bënë mbrëmë vonë në fjalimin e tij të parë në seancën e përbashkët të Kongresit të Shteteve të Bashkuara dhe ato paraqesin shenjë të sigurimit për aleancën trans-atlantike, të cilën ai e ka kritikuar në të kaluarën. Deklaratat e Trump në lidhje me NATO-n kanë qenë të ndryshme, i cili gjatë fushatës presidenciale disa herë kishte potencuar se do të rishikojë pozicionin e SHBA në këtë aleancë.