Plagosen 7 pjesëtarë të gardës kombëtare të Venezuelës

Nga shpërthimi i një bombe artizanale në Karakas, kanë mbetur të plagosur 7 pjesëtarë të gardës kombëtare.

Lajmi bëhet i ditur nga ministria e komunikacionit dhe informacionit të Venezuelës sipas të cilës shpërthimi ka ndodhur në lagjen Altamira të kryeqytetit Karakas. Deri tani asnjë person apo grup nuk ka marrë përsipër përgjegjësinë e shpërthimit të bombës. Venezuela prej muajit prill po përjeton protesta nga opozitarët e mbështetur nga Amerika, të cilët kanë për qëllim rrëzimin e qeverisë. Krijimi i Kuvendit të Themeluesve, plan i propozuar nga presidenti Nikolas Maduro është kundërshtuar nga opozita dhe kjo ka krijuar krizë në vend.