Kina sfidon ndryshimin e destinacioneve të eksportit petrokimik të Iranit
Gjatë disa javëve të fundit, sektori petrokimik i Iranit ka qenë subjekt i uljeve dhe ngritjeve, duke sjellë ndryshime të reja në industrinë dhe klientët ndërkombëtarë të produkteve të tij.
Ndërsa disa eksportues vendas të mallrave petrokimike, kryesisht ato private, po përballen me probleme në shitjen e produkteve në Kinë dhe duke marrë paratë e tyre nga konsumatorët kinezë, përpjekjet nga ta janë duke u zhvilluar, si dhe nga kompanitë e tjera iraniane të përfshira në këtë sektor për të gjetur tregje të reja për produktet e tyre, të cilat me sa duket kanë dhënë rezultate të favorshme.
Sfidat e Kinës
Kina dikur ishte dhe ende është, një importues i mallrave petrokimike nga Irani. Megjithatë, gjatë javëve të fundit, qeveria kineze ka filluar zbatimin e ligjeve dhe rregulloreve të reja për të shtrënguar mbikëqyrjen mbi importet e mallrave petrokimike nga Irani dhe për të monitoruar në mënyrë rigoroze transfertat e parave në dhe nga vendi. Për shkak të kësaj, kompanitë iraniane të përfshira në këtë sektor janë të shqetësuara me një sërë problemesh në marrjen e pagesave për produktet e tyre. Në reagim ndaj kësaj çështjeje, disa brenda vendit theksuan mbi zbatimin e ligjeve më të rrepta të importit dhe pët rregulla që kanë për qëllim luftimin e pastrimit të parave, ndërsa disa kritikë, pa dëshmi të mjaftueshme, thanë se ato janë miratuar nën presionin e SHBA dhe Arabisë Saudite, duke shtuar se Kina kishte sanksionuar importet e mallrave petrokimike iraniane, të cilat më vonë u mohuan nga autoritetet. Javën e kaluar, megjithatë, ministri i naftës i Iranit, Bizhan Namdar Zanganeh tha se qeveria po ndihmon kompanitë vendase petrokimike për të kapërcyer vështirësinë në marrjen e pagesave për eksportet petrokimike në Kinë. Ai shtoi se rrënja e problemit është e lidhur me biznesin, jo me politikën, duke thënë: "Firmat e përfshira janë kompani private, jo publike dhe at0 vetë po ndjekin çështjen". Duke iu përgjigjur një pyetjeje se kur do të zgjidhet problemi, Zanganeh tha: "Nuk është e qartë, ne jemi vetëm një palë në këtë çështje dhe tjetra është Kina". Më parë, Marzieh Shahdaei, zëvendës ministre e naftës për çështjet petrokimike, tha se nuk ka problem në eksportimin e mallrave petrokimike në Kinë, por marrja e parave për eksportet ka qenë problematike. "Qeveria po ndjek çështjen dhe ambasadori kinez në Teheran është kërkuar të japë shpjegime të mjaftueshme".
Destinacione të reja
Megjithëse Irani ende nuk ka arritur të zgjidhë problemet me të cilat ballafaqohet shitja jashtë vendit e mallrave petrokimike në Kinë, kompanitë e brendshme private të tekstilit kanë gjetur tregje të reja evropiane, afrikane dhe amerikano-jugore. Edhe pse, me sa duket, një pjesë e madhe e mallrave petrokimike të Iranit pritet të jenë të orientuara për këtë destinim të ri, problemet bankare të vendit të shkaktuara nga sanksionet perëndimore vazhdojnë akoma, duke e bërë të vështirë për eksportuesit iranianë të transferojnë pagesat për prodhimet e tyre në Iran.
Marrëveshje Antuerp
Pas negociatave të Iranit me Bashkimin Evropian, Porti i Antuerp në Fiandër të Belgjikës, ka pranuar të luajë rolin kryesor në mallrat petrokimike të shteteve të Lindjes së Mesme. Antuerp është një nga portet dhe shpërndarësit e mallrave petrokimike më të rëndësishme të BE-së, raportoi agjencia e lajmeve Fars. Shumica e eksportuesve botërorë të mallrave petrokimike dhe produkteve polimerike ose ndërtojnë apo marrin me qira depot në portin e Belgjikës për të ruajtur produktet e tyre dhe më vonë t'i eksportojnë ato në vendet anëtare të BE. Antuerp është porti i dytë më i madh në botë dhe në Evropë sa i përket kapacitetit për të ruajtur mallrat petrokimike dhe eksportin dhe importin e mallrave. Është porti i parë në botë në tregtinë me diamant. Aktualisht, porti është qendra më e madhe petrokimike e Evropës. Shuma vjetore e mallrave të hyrjes ose daljes nga porti arrin deri në 220 milion ton. Përveç kësaj, zinxhiri më i madh i integruar i prodhimit dhe zhvillimit të industrisë petrokimike është formuar në port. Antuerp është gjithashtu qendra më e madhe e Evropës për prodhimin e etilenit.
