Pjesëtari i ISIS me prejardhje ruse arrestohet në Adana të Turqisë

Një pjesëtar i grupit terrorist ISIS me prejardhje ruse i cili kishte tre misione, sulmin në bazën Inxhirlik, shkatërrimin e një avioni ushtarak amerikan dhe sulmin ndaj një shoqate alevite në Turqi, është arrestuar nga forcat turke të sigurisë.

Sipas agjencisë së lajmeve IRNA, duke cituar agjencinë turke të lajmeve Dugan, policia antiterroriste e Turqisë, pas disa muajsh ndjekje, në provincën Adana ka arrestuar sot Renat Bakiov, me shtetësi ruse, i cili thuhet se është pjesëtar i ISIS. Sipas mediave turke, në bazë të të dhënave të policisë antiterroriste në Adana, ky anëtar i ISIS ishte trajnuar për kryerjen e tre sulmeve terroriste në Turqi.