Lirohen pengjet kamerunase nga robërimi i Boko Haram

Ushtria e Nigerisë ka liruar mbi 300 persona kamerunas që ishin marrë peng nga grupi terrorist Boko Haram.

Agjencia e lajmeve Anatoly njoftoi se ushtria e Nigerisë ka deklaruar se ka liruar 387 shtetar kamerunas të cilët vitin e kaluar ishin rrëmbyer nga grupi terrorist Boko Haram. Sipas këtij burimi, në mesin e këtyre personave ka shumë gra dhe fëmijë. Ushtria e Nigerisë ka thënë se pas granatimit të pozicioneve të grupit terrorist Boko Haram nga helikopterët e ushtrisë së, pjesëtarët e këtij grupi kanë lënë pengjet dhe kanë ikur.