Trump: Jeruzalemi është kryeqytet i Izraelit

Presidenti i SHBA Donald Trump ka shpallur zyrtarisht qytetin e diskutueshëm të Kodsit (Jeruzalem) si kryeqytetin e Izraelit, pavarësisht paralajmërimeve nga e gjithë bota se masa rrezikon të shkaktojë një valë të re të dhunës në Lindjen e Mesme.

Në një fjalim në Shtëpinë e Bardhë të mërkurën, Trump tha se administrata e tij do të fillojë gjithashtu një proces të lëvizjes së ambasadës amerikane në Tel Aviv në qytetin e shenjtë, i cili pritet të zgjasë me vite. "Unë kam vendosur se është koha që të njohim zyrtarisht Jeruzalemin si kryeqytetin e Izraelit," tha Trump. "Ndërsa presidentët e mëparshëm e kanë bërë këtë një premtim të madh të fushatës, ata nuk arritën t’a realizojnë”, shtoi ai. Njoftimi ishte një ndryshim i madh nga Uashingtoni që përmbys dekadat e politikës së jashtme të SHBA. Vendimi i Trump ishte kryesisht për të kënaqur mbështetësit e tij kryesorë - konservatorët republikanë dhe sionistët e krishterë ungjillorë, të cilët përbëjnë një pjesë të rëndësishme të bazës së votuesve të tij. Pas fjalimit, Trump nënshkroi një ligj të vitit 1995 që kërkon që Uashingtoni të zhvendosë ambasadën e tij në Jeruzalem. Paraardhësit e tij, Bill Clinton, George W. Bush dhe Barack Obama, e kishin shtyrë vazhdimisht këtë vendim për të shmangur nxitjen e tensioneve në rajon.