Zbulohet një ngarkesë me armatime në Gjermani

Në afërsi të një tregu të krishtlindjeve dhe në afërsi të një xhamie në Berlin, policia gjermane ka zbuluar disa sasi armësh. Rreth zbulimit të këtyre armëve zyrtarë të policisë gjermane kanë thënë se këto armë nuk kanë lidhje me terrorizmin.

Policia gjermani ka thënë se zbulimi i armëve të tilla në Gjermani nuk është një çështje e pazakontë. Rreth 10 ditë më parë policia gjermane në qytetin Potsdam në juglindje të Berlinit në afërsi të një tregu të krishtlindjeve ka zbuluar një paketë me bombë. Vitin e kaluar një kamionist ka shtypur 11 persona dhe plagosur me dhjetëra të tjerë, pas sulmit që kreu në një prej tregjeve të krishtlindjeve në Gjermani.