Amnesty International kritikon Francën për dërgimin e armëve në Egjipt

Amnesty International kritikoi qeverinë franceze për shitjen e armëve në Egjipt dhe akuzoi Parisin për shkelje të rregullave të eksportit të armëve.

Amnesty International tha të martën se Parisi ka shkelur të drejtën ndërkombëtare duke furnizuar me pajisje ushtarake Kajron, e cila i  përdori ato për goditje të dhunshme ndaj demonstruesve midis 2012 dhe 2015, sipas një deklarate të lëshuar të martën nga kjo organizatë. Bashkimi Evropian u bëri thirrje anëtarëve të saj në vitin 2013 për të ndaluar eksportimin e armëve në Egjipt, por Amnesty International tha se Franca, Gjermania, Bullgaria, Qiproja, Spanja, Hungaria, Italia, Polonia, Republika Çeke, Rumania, Mbretëria e Bashkuar dhe Sllovakia kanë injoruar këtë thirrje të BE. Sipas raportit, që nga viti 2013, Franca është bërë furnizuesi kryesor i llojeve të ndryshme të armëve në Egjipt. Parisi madje i tejkaloi Shtetet e Bashkuara në këtë drejtim (duke eksportuar armë dhe pajisje në Egjipt).