Trump: Rezerva Federale është 'problemi i vetëm' i ekonomisë amerikane

Presidenti i SHBA, Donald Trump rinovoi sulmin e tij verbal ndaj Rezervës Federale të hënën, duke e krahasuar bankën qendrore me një lojtar golfi të gabuar pasi tregu i aksioneve përsëri u bllokua. "Problemi i vetëm që ka ekonomia jonë është Fed-i" shkroi Trump.

"Fed është si një lojtar golfi i fuqishëm që nuk mund të shënojë, sepse ai nuk ka asnjë kontakt - ai nuk mund të gjuaj!" Rezerva Federale ka për qëllim të jetë e pavarur nga Shtëpia e Bardhë, por Trump ka shkelur ato barriera në zhgënjimin e tij në atë që ai i sheh si politika të dëmshme të bankës për normën e interesit. Ai e ka quajtur më parë Fedin, i cili e zemëroi atë nga normat e ecurisë javën e kaluar, të "çmendur" dhe kërcënimin më të madh ekonomik për Shtetet e Bashkuar, më shumë sesa Kina. Tregjet e aksioneve në SHBA ranë përsëri ndjeshëm të hënën. Treguesi S&P 500 ra më tepër se dy për qind ndërsa “DoëJones” rreth tre për qind. Presidenti Donald Trump ia ka hedhur fajin Rezervës Federale (banka qendrore) për rënien e bursës dhe për probleme të tjera ekonomike. Ai ka thënë se problemi i vetëm ekonomik në SHBA është rritja e normave të interesit. Presidenti akuzoi shefin e Rezervës Federale, Jerome Poëell se nuk e kupton tregun dhe dëmton ekonominë me rritjen e normave të interesit. Rezerva Federale e zbriti normën bazë të interesit pothuajse në zero për të nxitur rritjen ekonomike gjatë recesionit që filloi në vitin 2007. Banka qendrore i mbajti normat e ulëta për disa vite. Përfundimisht, rritja ekonomike rifilloi dhe papunësia ra në nivelin më të ulët në 49 vjet, prandaj zyrtarët e Rezervës Federale vlerësuan se stimuli i emergjencës nuk ishte më i nevojshëm. Drejtuesit e Rezervës Federale votuan për të ulur stimulin duke rritur gradualisht normat e interesit. Shqetësimi ishte se një stimulim tepër i madh i ekonomisë mund të nxiste inflacionin. Ekspertët thonë se një rritje e mprehtë e çmimeve mund të nxisë kërkesat për rritje pagash, gjë që do të çon një cikël tjetër të ngritjes së çmimeve. Analistët e cituar në shtypin financiar thonë se sulmet e Presidentit Trump ndaj Rezervës Federale i bëjnë investitorët të shqetësohen se banka qendrore mund të humbasë pavarësinë, e cila lejon që ajo të marrë vendime bazuar në faktorët ekonomikë dhe jo në atë që është politikisht popullore. Disa ekspertë të ekonomisë thonë se besimi i investitorëve është tronditur nga tarifat e Trump mbi partnerët kryesorë tregtarë. Rritja e kostove të tregtisë mund të zvogëlojë tregtinë dhe uljen e kërkesës për mallra dhe shërbime, gjë që ngadalëson rritjen ekonomike.