Forcat speciale amerikane afër Venezuelës

Kuba akuzoi të enjten (14 shkurt) Shtetet e Bashkuara se ka mobilizuar në fshehtësi forcat speciale amerikane pranë Venezuelës nën pretekstin e ndihmës humanitare, si pjesë e një plani për të ndërhyrë ushtarakisht në këtë vend të Amerikës Latine.

Sipas agjencisë së lajmeve Reuters, qeveria kubane njoftoi në një deklaratë se ngjarjet e fundit në Venezuelë ishin një përpjekje për grusht shteti që deri tani ka dështuar. "Ndërmjet 6 dhe 10 shkurtit, avionët e transportit ushtarak u ulën në aeroportin Rafael Miranda të Puerto Rikos, në Bazën Ajrore San Isidro në Republikën Domenikane dhe në ishujt e tjerë në Karaibe në vende strategjike, ndoshta pa njoftuar qeveritë e këtyre shteteve ", tha deklarata e qeverisë kubane. Kjo deklaratë shton: "Këta aeroplanë transportuan instalime ushtarake amerikane në zonat ku funksionojnë njësi speciale, të cilat përdoren për misionet sekrete. "