Letra e Richard Black drejtuar Donald Trump

Senatori amerikan i shtetit Virxhinia Richard Black në një letër të tij i ka bërë thirrje Presidentit të SH.B.A.-së Donald Trump për të parandaluar John Bolton Këshilltarin e Sigurisë Kombëtare (NSA) që të ndez një luftë me Iranin.

"John Bolton ka uzurpuar autoritetin tuaj si Komandant në krye [CINC]. Ai e kundërshtoi urdhrin tuaj për një tërheqje të menjëhershme nga Siria dhe tani ai i ka alarmuar aleatët tanë duke u përpjekur për luftë kundër Iranit. Është raportuar se ju shpresoni të shmangi luftën me Iranin, por CINC nuk "shpreson". Ai komandon, por ai nuk e delegon luftën në stafin e tij ", tha Black në letrën e tij. Në lëvizjet e shtyra kryesisht nga Bolton, Shtetet e Bashkuara gjatë javëve të fundit kanë vendosur anije, aeroplanë, grupe ushtarakësh dhe sistemet raketore Patriot në Gjirin Persik për të kërcënuar Iranin për gjoja aktivitete të dyshuara shqetësuese. Megjithatë, Shtetet e Bashkuara nuk kanë dhënë ndonjë provë për të vërtetuar pretendimet e tyre. në letrën e tij Black ka thënë: “E gjej sabotimin e vazhdueshëm dhe përpjekjet për të ndezur një luftë kundër Iranit, thellësisht shqetësuese. Kam votuar për ty [Trump], por nuk e kam zgjedhur John Bolton. Unë u alarmova kur e zgjodhët atë si kreun e NSA, pasi ai ishte një arkitekt kryesor i luftës së ndryshimit të regjimit në Irak." Unë e kundërshtoj luftën kundër Iranit. Nocioni që Irani ka ndërmend të sulmojë SHBA është absolutisht absurde ", shtoi ndër të tjera senatori Black. "Arabia Saudite u ka bërë thirrje amerikanëve për të sulmuar Iranin në emër të tyre, por unë as nuk e shërbej as respektoj Arabinë Saudite", tha senatori shtetëror nga Virxhinia. "Asnjë iranian - dhe për dijen time, asnjë mysliman shiit nuk ka kryer asnjëherë një sulm terrorist në tokën amerikane. Arabia Saudite, me kultin e saj të dhunshëm vahabist, është nxitësi kryesor i terrorit global". Senatori i shtetit tha se Trump ka bërë fushatë për t'i dhënë fund luftërave, por tani Bolton dhe sekretari i shtetit i SHBA Mike Pompeo po orkestrojnë një konflikt të ri që mund të vriste me lehtësi miliona iranianë. "Amerika ju zgjodhi për t'i dhënë fund luftërave të ndryshimit të regjimit dhe për të ulur tensionet. Kombi ynë është i lodhur nga lufta, nuk ka mbështetje publike për një luftë kundër Iranit. Unë jam i shqetësuar se Partia Republikane do të pësojë humbje historike elektorale në 2020 nëse nisim një sulm ndaj Iranit ... Ju lutemi mos e braktisni angazhimin tuaj solemn ndaj Amerikës ", përfundoi letrën senatori Black. Më 12 maj, katër naftëmbajtëse duke përfshirë dy anije Saudite dhe një anije me flamur të Emirateve të Bashkuara Arabe – u vunë në shënjestër të një sulmi jashtë zonës ekonomike ekskluzive të Emirateve të Bashkuara Arabe. Edhe pse askush nuk ka marrë përgjegjësinë për sulmin në fjalë, Sekretari i Shtetit i SH.BA-së Mike Pompeo më 21 maj pa u bazuar në asnjë fakt ka pretenduar se Irani mund të jetë përgjegjës për sulmin. Zyrtarët iranianë ka hedhur poshtë të tilla pretendime dhe kanë thënë se akuzat e SHBA janë të dizajnuara për të krijuar një pretekst për luftë.