Tulsi Gabbard: Dalja e Amerikës nga marrëveshje bërthamore ishte gabim
Tusli Gabbard, anëtarja demokrate e Dhomës së Përfaqësuesve të Amerikës dhe kandidate për zgjedhjet presidenciale 2020 në Amerikë, e ka quajtur gabim daljen e Amerikës nga marrëveshja bërthamore dhe ka theksuar se ekzistenca e kësaj marrëveshja është më e mirë se mosekzistenca e saj.
Agjencia e lajmeve IRNA njoftoi se Tulsi Gabbard gjithashtu duke kritikuar politikat e Shtëpisë së Bardhë ndaj Iranit, ka paralajmëruar se përballja ushtarake me Iranin do të jetë shumë më katastrofale për Amerikën se sa luftërat e Afganistanit dhe Irakut.
Tulsi Gabbard gjithashtu kritikoi ashpër vendimin e Trump për dërgimin e më shumë forcave ushtarake në rajonin e Azisë Perëndimore dhe deklaroi: "Dislokimi i forcave ushtarake amerikane në rajonin e Azisë Perëndimore është sikur ndezja e fitilit të një bombe".
Veprimet tensionuese të Amerikës në rajonin e Azisë Perëndimore janë shtuar pasi Uashingtoni njoftoi për dërgimin e aeroplanmbajtëses "Abraham Linkoln" në rajonin e Azisë Perëndimore dhe akuzoi Iranin për implikim në shpërthimin e katër anijeve të naftës në portin Al-Fuxhejra të Emirateve të Bashkuara Arabe.