Gjermania kritikon politikat tregtare të Trump

Ministri gjerman i ekonomisë, Peter Altmaier, në një intervistë me gazetën Die Velt, përsëriti se Bashkimi Evropian ishte i gatshëm të reduktojë tarifat doganore mbi makinat.

"Kjo gjithashtu do të eliminojë akuzat se tarifat doganore të makinave amerikane janë më të ulëta se makinat evropiane," tha ai. Në lidhje me hapjen e tregut evropian për prodhimet bujqësore të SHBA me kërkesën e Trump, ai tha: "Këto dy çështje nuk kanë asnjë lidhje. Si evropianë, ne i bëmë thirrje Shteteve të Bashkuara të eliminojnë tarifat industriale për të lehtësuar importimin e produkteve të SHBA në Evropë. Këtu ka miliarda në lojë për të dyja palët".  "Trump beson se vendet e reja të punës do të krijohen përmes praktikave specifike të biznesit. Ne evropianët nuk mendojmë në këtë mënyrë. Industria gjermane e makinave ka investuar shumë në tregun e SHBA. Shumica e automjeteve të eksportuara nga Shtetet e Bashkuara janë të prodhimit gjerman. Mund të përmend një fabrikë Mercedes-Benz në Alabama. Është një nga kompanitë më moderne në rajon që punëson 3,800 njerëz. E gjithë kjo është arritur sepse nuk kemi pasur asnjë mosmarrëveshje tregtare me Shtetet e Bashkuara në 20 vitet e fundit, "tha Peter Altmaier.