Spanja kundërshton kërkesën e SHBA për t'u bashkuar me aleancën detare

Qeveria e Madridit hodhi poshtë një kërkesë zyrtare të Uashingtonit për t'u bashkuar me koalicionin detar të udhëhequr nga SH.B.A. për të mbrojtur cisternat e naftës në Gjirin Persik, shkruan një gazetë spanjolle.

Gazeta El Confidencial e Spanjës citoi burime diplomatike që thoshin: "Qeveria e Madridit sapo ka marrë një kërkesë zyrtare nga Uashingtoni për t'u bashkuar me aleancën detare, por Spanja nuk ka ndërmend të bashkohet me aleancën." Qeveria e Madridit ka refuzuar kërkesën e SHBA ndërsa vendet e tjera evropiane, siç është Gjermania, gjithashtu kanë hedhur poshtë propozimin e SHBA. Ministri i Jashtëm gjerman Heiko Mass tha dje se Gjermania kundërshton propozimin e SHBA për të formuar një koalicion në Gjirin Persik për të garantuar sigurinë detare në rajon. Nën kancelari Wolfgang Schulz tha se vendi duhet të ndërmarrë çdo hap për të parandaluar përshkallëzimin e tensioneve në Gjirin Persik. Shtetet e Bashkuara kanë sugjeruar që të krijohet një koalicion për të mbrojtur linjën jetësore të naftës në ngushticën e Hormuzit dhe të bashkohet me vendet evropiane. Uashingtoni kohët e fundit ka rritur presionin ndaj Gjermanisë, Francës dhe Britanisë që ata t’i bashkohen aleancës detare të ngushticës Hormuz. Britania gjithashtu ka bërë thirrje për një aleancë evropiane për të mbrojtur sigurinë e anijeve që kalojnë në ngushticën e Hormuzit. Tensionet naftore në rajonin e Gjirit filluan së pari me një sulm ndaj dy cisternave të naftës origjina e të cilëve nuk është përcaktuar ende. Pas sulmeve, Rojet Revolucionare të Republikës Islame qëlluan një aeroplan të paautorizuar amerikan brenda territorit iranian dhe më 19 korrik bllokuan një tanker britanik për mosrespektimin e normave ndërkombëtare të lundrimit.