Human Rights Watch kritikon sanksionet amerikane ndaj Iranit

Human Rights Watch në një raport të tij thotë se efektet e sanksioneve anti-iraniane të SHBA kanë dëmtuar shëndetin e popullit iranian.

Sipas agjencisë së lajmeve Fars, Human Rights Watch në një raport të saj tha se sanksionet e qeverisë amerikane kundër Iranit kanë kufizuar ashpër importet e medikamente thelbësore në vend. Ndërsa qeveria amerikane pretendon përjashtimin e importeve humanitare nga sanksionet kundër Iranit, Human Rights Watch në raportin e tij tha se kompanitë amerikane dhe evropiane nuk mund të eksportojnë ilaçe në Iran për shkak të transaksioneve financiare. Sarah Leah Whitson, drejtoreshë e Lindjes së Mesme në Human Rights Watch, thotë: "Administrata e presidentit amerikan Donald Trump pretendon se i qëndron afër popullit iranian, por regjimi masiv i sanksioneve amerikane po dëmton të drejtën e popullit iranian për shëndet, përfshirë këtu qasjen në ilaçe dhe medikamentet thelbësore. Ministri i Jashtëm i Iranit Muhamed Xhavad Zarif të dielën në një mesazh në Twitter ka kritikuar mashtrimin e ri të SHBA për intensifikimin e terrorizmit ekonomik kundër iranianëve.  Presidenti amerikan Donald Trump 8 maj 2018 njoftoi në mënyrë të njëanshme tërheqjen e vendit të tij nga marrëveshja bërthamore dhe në dy faza riktheu sanksionet bërthamore kundër Iranit. Këto sanksione synuan drejtpërdrejt popullin iranian dhe çdo pretendim mashtrues i SH.B.A. në këtë fushë bëhet për të justifikuar veten tek opinioni publik.