Abdulmaxhid Tabune fiton zgjedhjet presidenciale në Algjeri
"Në këtë fitore të thellë, Abdulmaxhid Tabune siguroi 58.15 për qind të votave", tha Muhamed Sharifi, kreu i Autoritetit Zgjedhor Algjerian.
Abdulmaxhid Tabune ka fituar zgjedhjet presidenciale në Algjeri, bëri të ditur sot Autoriteti Zgjedhor i këtij vendi.
"Në këtë fitore të thellë, Abdulmaxhid Tabune fitoi 58,15 % të votave", tha Muhamed Sharfi, kreu i Autoritetit Zgjedhor Algjerian, në një konferencë për media në kryeqytetin algjerian.
Abdulmaxhid Tabune, 74-vjeçar, shërbeu vetëm 81 ditë si kryeministër përpara se të hiqej në gusht të vitit 2017.
Ish-presidenti Abdelaziz Bouteflika, i cili u detyrua të jepte dorëheqje në prillin e kaluar pas protestave, shkarkoi Abdulmaxhid Tabune për përpjekjen e tij për të marrë masa kundër personave të korruptuar besnikë ndaj regjimit.
I lindur më 17 nëntor në provincën lindore Naama, ai studioi në Shkollën Kombëtare të Administrimit dhe diplomoi në ekonomi dhe financa në vitin 1969.
Duke e konsideruar si një nga simbolet e regjimit Bouteflika, Abdulmaxhid Tabune gjatë fushatës së tij elektorale ka thënë se programi i tij politik do të përmbushë kërkesat e protestuesve.
