DIA pohon potencialet ushtarake të Iranit

Agjencia e Inteligjencës së Mbrojtjes e SHBA publikoi raportin e saj mbi aftësitë ushtarake të Iranit, duke detajuar në një dokument me 130 faqe perceptimin e Shteteve të Bashkuara për objektivat, strategjitë dhe planet ushtarake të Iranit.

Raporti i porositur nga Departamenti i Mbrojtjes i SHBA, sugjeron se Irani planifikon të bëhet fuqi mbizotëruese në rajonin e Azisë Perëndimore duke theksuar përparimin e shpejtë të vendit në prodhimin e dronëve sulmues dhe sistemeve të sofistikuara të raketave. "Ndërsa Irani zgjeron aftësitë dhe rolin e tij në Lindjen e Mesme, është më e nevojshme se kurrë të njohim aftësinë ushtarake të Iranit dhe kërcënimin që ai paraqet për interesat tona, aleatët tanë dhe sigurinë tonë ", tha  Robert Ashley, kreu i Agjencisë së Inteligjencës së Mbrojtjes (DIA). Dokumenti i DIA paraqet më pas në kapituj të veçantë përbërësit e ndryshëm të forcave të armatosura iraniane, duke përfshirë marinën, njësitë raketore, forcën e hapësirës ajrore, ushtrinë, agjencitë e inteligjencës dhe industritë e mbrojtjes së vendit. Raporti vëren se Irani kishte përgatitur dhe pajisur trupat e tij që të jenë gati për të kundërshtuar një sulm të mundshëm nga një kundërshtar me teknologji të lartë ushtarake. Sipas autorëve të raportit, Teherani ka përparësi në taktikat e luftës asimetrike për të arritur këtë qëllim.