Soros: Trump është një mashtrues dhe narcist
Kreu i një prej instituteve kryesore mendimore të SHBA kritikoi veprimet e presidentit amerikan duke e quajtur atë një mashtrues dhe i prekur nga sëmundja e narcisizmit.
Sipas Fox News, George Soros, në margjinat e Samitit ekonomik të Davosit, duke kritikuar Donald Trump, e përshkroi presidentin amerikan si një mashtrues dhe mburravec. "Kur iluzioni i Trump për t'u bërë president u bë realitet, narcisizmi i tij u bë një sëmundje, dhe ai është një narcisist që dëshiron të sundojë të gjithë botën përreth tij", deklaroi Soros duke shtuar se zgjedhjet presidenciale të SHBA në nëntor 2020 do të përcaktojnë fatin e botës. Themeluesi i Fondacionit "Shoqëria e Hapur Soros" akuzoi rrjetin social Facebook për komplotim me Trump përpara zgjedhjeve. Ai tha se mendon se ka një bashkëpunim joformal dypalësh midis Trump dhe Facebook pasi Facebook përpiqet të rizgjedhë Trumpin dhe Trump kërkon mbështetje nga Facebook. Soros shtoi se asgjë nuk do ta ndalojë Facebook-un të përhapë informacion të rremë dhe ai është shumë i shqetësuar për zgjedhjet. Raportet sugjerojnë që pas fjalimit të Soros në forumin e Davosit në vitin 2018, Facebook fshehtas u përpoq të drejtonte një fushatë për të shkatërruar imazhin e tij.
