Papa kërkon heqjen e sanksioneve ndaj Iranit

Lideri i katolikëve të botës në një kontakt me autoritetet amerikane, ka kërkuar heqjen e sanksioneve kundër Iranit për shkak të përhapjes së virusit Korona.

Kanali televiziv Press Tv njoftoi se Pietro Parolin, ministri i punëve të jashtme të Vatikanit, në një bisedë telefonike me Kelly Craft, përfaqësuesen e Amerikës në OKB, ka kërkuar heqjen e sanksioneve të Uashingtonit ndaj Iranit.

Kohë më parë Ajetullah Alireza A’rafij, drejtori i shkollave fetare të Iranit, në një mesazh dërguar Papa Françesko, liderit të katolikëve të botës, duke shprehur solidaritet me besimtarët e të gjitha feve dhe me të gjithë popujt e botës në përballje me krizën e përhapjes së virusit Korona, ka kërkuar bashkëpunimin e të gjitha qendrave fetare për t’u përballur në mënyrë efikase me epideminë Covid-19.

Pietro Parolin në përgjigje të letrës së Ajetullah A’rafij, ka shkruar se Papa para se të informohet për detajet e kësaj letre, i kishte kërkuar atij që të shpreh solidaritetin shpirtëror të Vatikanit me popullin e Iranit.

Në përgjigjen e Pietro Parolin gjithashtu thuhet se Vatikani ka kërkuar nga Uashingtoni heqjen e sanksioneve amerikane ndaj Iranit.